پرتھ(آسٹریلیا)：- آسٹریلیا نے پہلے ٹیسٹ میچ میں پاکستان کو 360 رنز سے شکست دے کرسیریز میں 1=0 سے برتری حاصل کر لی۔دوسری اننگز میں آسٹریلیا کا پاکستان کو جیتنے کیلیے 450 رنز کاہدف جس کے تعاقب میں قومی ٹیم
صرف 89 رنز پر ڈھیر ھوگئی۔
*پہلے دن کا کھیل* ۔
میچ کے پہلے دن میزبان ٹیم آسٹریلیا نے ٹاس جیت کر پہلے بیٹنگ کا فیصلہ کیا۔
پرتھ ٹیسٹ کے پہلے دن آسٹریلوی ٹیم کے اوپنر
ڈیوڈ وارنر نے شاندار اور جارحانہ اننگ کھیلی، انہوں نے 211 گیندوں پر 164 رنز بنائے اور اس اننگ میں 4 چھکے اور 16چوکے شامل تھے۔
اس کے علاوہ
عثمان خواجہ نے 41،
مارنوس لبوشین 16،
اسٹیون اسمتھ 31 اور
ٹریوس ہیڈ 40
رنز بناکر آؤٹ ہوئے۔
پہلے روز پاکستان کی جانب سے ڈیبیو کرنے والے عامر جمال نے دو وکٹیں حاصل کیں، جبکہ
شاہین آفریدی، فہیم اشرف اور خرم شہزاد کو1 ،1 وکٹ ملی۔
*دوسرے دن کا کھیل*
میچ کے دوسرے دن کے اختتام پر امام الحق 38 اور خرم شہزاد 7 رنز پر ناٹ آؤٹ تھے۔
ٹیسٹ میچ کے دوسرے دن آسٹریلوی ٹیم کےپہلی اننگ میں 487 رنز پر آؤٹ ہونے کے بعد پاکستان کی جانب سے پہلی اننگ کا آغاز اوپنر امام الحق اور عبداللّٰہ شفیق نے کیا تھا۔
دونوں بیٹسمین نے محتاط انداز اپناتے ہوئے ٹیم کا اسکور 36.2 اوورز میں 74 رنز تک پہنچایا جس کے بعد
عبداللّٰہ شفیق 42 رنز پر نیتھن لائن کی گیند پر کیچ آؤٹ ہوگئے۔
پاکستان کی دوسری وکٹ 49.3 اوورز میں 123 رنز پر گری، کپتان شان مسعود 30 رنز بنا کر مچل سٹارک کی گیند پر کیچ آؤٹ ہوئے۔
*تیسرے دن کا کھیل*
پرتھ,پرتھ ٹیسٹ کرکٹ گراؤنڈ میں کھیلے گئے سیریز کے پہلے ٹیسٹ میچ کی دوسری اننگز میں آسٹریلیا کی پہلی وکٹ 0 پر گر گئی، خرم شہزاد کی گیند پر ڈیوڈ وارنر کیچ آؤٹ ہو گئے، میزبان ٹیم کی دوسری وکٹ 5 رنز پرگری، لبوشین بھی 18 گیندوں پر 2 رنز بنا کرخرم شہزاد کی گیند پر کیچ آؤٹ ہوگئے۔
تیسرے دن کے اختتام پر آسٹریلوی بلے باز اسٹیون اسمتھ 43 اور
عثمان خواجہ 34 رنز پر ناٹ آؤٹ تھے۔
قبل ازیں دن کے آغاز پر پہلی اننگز میں پاکستان کی پوری ٹیم آسٹریلیا کے 487 رنز کے جواب میں 271 رنز بنا کر پویلین لوٹ گئی جس کے نتیجے میں پاکستان کو 216 رنز کے خسارے کا سامنا کرنا پڑا۔
پاکستان ٹیم نے تیسرے روز اپنی نامکمل پہلی اننگ کا آغاز 2 وکٹ پر 132 رنز سے کیا،
دن کے آغاز پر خرم شہزاد کو 7 رنز پر پیٹ کمنز نے بولڈ کیا، جبکہ بابر اعظم کو 21 رنز پر مچل مارش نے پویلین کی راہ دکھائی۔
امام الحق 62 رنز پر نیتھن لائن جبکہ
سرفراز احمد محض 3 رنز بنا کر مچل سٹارک کا شکار بنے، سعود شکیل کو 28 رنز پر جوش ہیزل ووڈ اور
فہیم اشرف کو 9 رنز پر پیٹ کمنز نے پویلین کی راہ دکھائی، عامر جمال کو 10 رنز پر نیتھن لائن نے آؤٹ کیا،
شاہین شاہ آفریدی 4 رنز پر ٹریوس ہیڈ کی گیند پر آؤٹ ہوئے
*چوتھے دن کا کھیل*
کھیل کے چوتھے روز آسٹریلیا نے اپنی دوسری اننگز کا آغاز 2 وکٹوں کے نقصان پر 84 رنز سے کیا۔
آسٹریلوی بلے باز اسٹیون اسمتھ نے43 اور
عثمان خواجہ نے 34 رنز کے ساتھ چوتھے روز کھیل کا آغاز کیا تو کچھ ہی دیر میں فاسٹ باؤلر خرم شہزاد نے 87 رنز پر پاکستان کے لیے تیسری وکٹ حاصل کی،خرم شہزاد نے 45 رنز پر اسٹیون اسمتھ کو پویلین کی راہ دکھائی۔
آسٹریلیا کی چوتھی وکٹ 107 رنز پر گری جب ٹریوس ہیڈ 14 رنز بنا کر عامر جمال کی گیند پر کیچ آؤٹ ہوئے، میزبان ٹیم کی پانچویں وکٹ دوسری اننگز کے 233 رنز پر گری جب شاہین آفریدی کی گیند پر
عثمان خواجہ 90 رنز بنا کر بابراعظم کے ہاتھوں کیچ آؤٹ ہوئے۔
عثمان خواجہ کے آؤٹ ہونے کے بعد آسٹریلیا نے بیٹنگ ڈیکلیئر کر دی، آسٹریلیا نے 233 رنز 5 کھلاڑی آؤٹ پر اپنی بیٹنگ ڈیکلیئر کر کے پاکستان کو 450 رنز کا ہدف دیا تھا۔
*آخری دن کا کھیل*
آسٹریلیا نے میچ کی دوسری اننگز 233 رنز 5 وکٹوں کے نقصان پر ڈیکلیئر کرتے ہوئے پاکستان کو جیت کیلئے 450 رنز کا ہدف دیا، تاہم ہدف کے تعاقب میں پاکستانی بیٹنگ لائن لڑکھڑا گئی۔
پاکستان نے ہدف کے تعاقب میں بیٹنگ شروع کی تو محض 2 رنز پر ہی پہلی وکٹ گر گئی، اوپنر عبداللہ شفیق 2رنز بنا کر آؤٹ ہوئے، قومی ٹیم کی دوسری وکٹ 17 رنز پر گری،
کپتان شان مسعود بھی ذمہ دارانہ بیٹنگ کا مظاہرہ نہ کر سکے اور 2 رنز بنا کر پویلین لوٹ گئے،
پاکستان کا تیسرا نقصان 19 رنزکے مجموعے پر ہوا جب
امام الحق نے محض 10 رنز بنا کر ہی پویلین کی راہ لی۔
قومی ٹیم چوتھا نقصان بابراعظم کی صورت میں ہوا، سابق کپتان صرف 14 رنز بنا کر ہی پویلین چلتے بنے، وکٹ کیپر بیٹسمین سرفراز احمد ایک مرتبہ پھر مچل سٹارک کا شکار ہوئے اور 4 رنز بنا کر پویلین لوٹ گئے
جبکہ سلمان علی آغا 5 رنز بنا کر رن آؤٹ ہوئے،
فہیم اشرف آؤٹ ہونے والے ساتویں بلے باز تھے جو نیتھن لائن کی گیند پر وکٹ گنوا بیٹھے۔
بعدازاں عامر جمال 4 رنز بنا کر نیتھن لائن کی گیند پر بولڈ ہوگئے،
سعود شکیل 24 رنز بنا کر جوش ہیزل ووڈ کی گیند کا شکار ہوئے جبکہ
خرم شہزاد صفر پر پویلین لوٹ گئے۔
آسٹریلیوی سپنر نیتھن لائن نے ٹیسٹ کیریئر کی 500 وکٹیں بھی مکمل کر لیں، وہ 500 وکٹیں حاصل کرنے والے آسٹریلیا کے تیسرے اور ٹیسٹ کی تاریخ کے آٹھویں باؤلر ہیں۔
