پاکستان کی ویمنز ٹیم نے نیوزی لینڈ کو تیسرے ون ڈے میں سپر اوور میں شکست دےکر فتح حاصل کر لی۔

یہ دوسرا موقع ہےکہ پاکستان ویمنز کرکٹ ٹیم نے نیوزی لینڈ ویمنز کو ون ڈے انٹرنیشنل میں شکست سے دوچارکیا ہے۔

اس سے قبل ویمنزکرکٹ ٹیم نے نومبر 2017 میں شارجہ میں نیوزی لینڈ ویمنز ٹیم کے خلاف کامیابی حاصل کی تھی۔ جس میں ثنا میر کی 4 وکٹوں اور بسمہ معروف کے ناقابل شکست 36 رنز کی عمدہ کارکردگی کی بدولت 5 وکٹوں سے کامیابی حاصل کی تھی۔

نیوزی لینڈ نے موجودہ سیریز میں 2：1 سے کامیابی حاصل کی ھے۔

یاد رہے کہ نیوزی لینڈ ویمنز کرکٹ ٹیم نے پہلا ون ڈے 131رنز سے جیتا تھا۔جبکہ دوسرے ون ڈے میں ایک وکٹ سے کامیابی حاصل کی تھی۔

تیسرے اور آخری ون ڈے انٹرنیشنل میں نیوزی لینڈ ویمنز کرکٹ ٹیم نے ٹاس جیت کر پہلے بیٹنگ کا فیصلہ کیا۔

اور مقررہ 50 اوورز میں8 وکٹوں کے نقصان پر 251 رنز بنائے، جواب میں پاکستان ویمنزکرکٹ ٹیم نے 50 اوورز میں 9 وکٹوں پر 251 رنز بنائے اور اسکور برابر ہوگیا۔

سپر اوور میں پاکستان ویمنز کرکٹ ٹیم نے بغیر کسی نقصان کے 11 رنز اسکور کیے، عالیہ ریاض نے ایک چوکےکی مدد سے 8 رنز بنائے جبکہ فاطمہ ثنا نے 2 رنز اسکور کیے۔

نیوزی لینڈ ویمنز کی ٹیم سعدیہ اقبال کے سپر اوور میں 8 رنز بناسکی لیکن اس کوشش میں اس کی دونوں بیٹسمین ایمیلیا کر اور
سوفی ڈیوائن آؤٹ ہوگئیں۔

اس سے قبل نیوزی لینڈ ویمنزکرکٹ ٹیم کی اننگز کی اہم بات ان کے دونوں یٹسمین ایمیلیاکر اور میڈی گرین کی عمدہ بیٹنگ تھی۔

ایمیلیا کر 77 سکور بنائے جس میں پانچ چوکے بھی شامل تھے، جبکہ میڈی گرین نے تین چوکوں کی مدد سے65 رنز کی اننگز کھیلی اوروہ ناٹ آؤٹ رہیں۔

 پاکستان ویمنز کرکٹ ٹیم کی جانب سے نشرہ سندھو اورغلام فاطمہ نے 2. 2 وکٹ حاصل کیے۔

پاکستان ویمنز کرکٹ ٹیم کی منیبہ علی 5 رنز کے انفرادی اسکور پر آؤٹ ہو گئیں۔جبکہ سدرہ امین نے پانچ چوکوں کی مدد سے24 سکوربنائے اور وہ ناٹ آؤٹ رہیں۔

عالیہ ریاض اور بسمہ معروف نے تیسری وکٹ کی شراکت میں 101 رنز کا اضافہ کیا، عالیہ ریاض نے چار چوکوں کی مدد سے 44 رنز بنا ئےاور وہ آؤٹ ہو گئیں۔

بسمہ معروف نے اس ون ڈے انٹرنیشنل میں اپنی کیریئر کی 20 ویں نصف سنچری اسکور کی،اور انہوں نے پانچ چوکوں کی مدد سے 68 رنز بنائے۔اور مین آف دی میچ قرار پائیں۔

کپتان فاطمہ ثنا نے 3 چوکوں کی مدد سے 36 رنز بنائے اور وہ آؤٹ ہوگئیں۔ اس وقت پاکستان ویمنزکرکٹ ٹیم کو جیت کے لیے 55 رنز درکار تھے اور اس کی 5 وکٹیں ابھی باقی تھیں۔

اس موقع پر نتالیہ پرویز کے 1چوکے اور 1چھکے کی مدد سے بنائےگئے 26 رنز اور نجیہہ علوی کے ناقابل شکست 23 رنز پاکستان ویمنزکرکٹ ٹیم کو جیت کے قریب بہت قریب لے آئے۔

پاکستان ویمنز کرکٹ ٹیم کو آخری اوور میں جیت کے لیے صرف 8 رنز چاہیےتھے جب کہ آخری گیند پر جیت کے لیے صرف2 رنز کی ضرورت تھی تاہم اس گیند پر نجیہہ علوی صرف ایک رن بناپائیں اور یوں یہ میچ ٹائی ہوگیا جس کے بعد یہ میچ پاکستان نے سپر اوور میں جیت لیا۔

پاکستان ویمنز کرکٹ ٹیم نے نیوزی لینڈ کے اس دورے میں تین ٹی ٹوئنٹی انٹرنیشنل میچوں کی سیریز بھی کھیلی جو کہ پاکستان نے 2：1 سے جیت لی۔

یہ پہلا موقع تھا کہ پاکستان ویمنزکرکٹ ٹیم نے نیوزی لینڈ کی سرزمین پر ٹی ٹوئنٹی انٹرنیشنل سیریز اپنے نام کی۔