ڈیپ فیک ویڈیوز،سچن ٹنڈولکر بھی شکار بن گئے۔
ڈیپ فیک ویڈیوز: 16جنوری 2024
انڈیا(نمائندہ ڈیلی بول عوام نیوز)
سابق بھارتی کپتان اور لیجنڈری کرکٹر سچن ٹنڈولکر بھی ڈیپ فیک ویڈیوز کا شکار بن گئے
بھارت لیجنڈری کھلاڑی اور سابق کپتان سچن ٹنڈولکرسے قبل ان کی بیٹی سارہ ٹنڈولکر اور مختلف بھارتی اداکارائیں اور ماڈلز بھی ان جعلی
ویڈیوز اور تصاویر کا شکار ہوچکی ہیں۔
سماجی رابطے کی ویب سائٹ ایکس پر پوسٹ شیئر کرتے ہوئے سابق انڈین کپتان سچن ٹنڈولکر نے اپنی جعلی ویڈیو بھی شیئر کی اور سوشل
میڈیا پلیٹ فارمز سے جعلی ویڈیوز اور تصاویر کے خلاف اور ان کی روک تھام کے لیے فوری کارروائی کا مطالبہ کیا ہے۔
سوشل میڈیا پر گردش کرتی ہوئی مختلف جعلی ویڈیو میں سابق کپتان اور لیجنڈری کھلاڑی کو آن لائن گیمنگ ایپس کی تشہیر کرتے ہوئے
دیکھا جاسکتا ہے۔
گیمنگ ایپ کی تشہیر کے لیے بنائی گئی ان مذکورہ ڈیپ فیک ویڈیوز (جعلی ویڈیوز) میں سابق انڈین کیپٹن کی ویڈیو اور آواز کا استعمال کیا
گیا ہے
سابق کپتان نے اپنے مداحوں کو ان جعلی ویڈیوز کے حوالے سے آگاہ کرتے ہوئے اپنے پیغام میں لکھا کہ یہ ڈیپ فیک ویڈیوزجعلی ہے اور
انہوں نے
اس کے خلاف سخت ترین ایکشن لینے کا مطالبہ بھی کیا۔
انہوں نےٹیکنالوجی کے غلط استعمال پر انتہائی تشویش کا اظہار کیا اور مزید لکھا کہ ٹیکنالوجی کا مسلسل غلط استعمال ہوتا ہوا دیکھنا میرے
لیے پریشان کن ہے۔
انہوں نے مزید کہا ہے کہ میری تمام صارفین سے درخواست ہے کہ اس طرح کی تمام ایپس، اشتہارات اور ویڈیوز کو بڑی تعداد میں رپورٹ
کریں
انہوں نے اپنے پیغام میں سوشل میڈیا پلیٹ فارمز سے بھی اپیل کی ہے کہ اس طرح کی جعلی ڈیپ فیک ویڈیوزکے خلاف فوری کارروائی کی
جائے۔
انہوں نےمزید لکھا کہ سوشل میڈیا پلیٹ فارمز کو صارفین کی شکایات پر چوکنا اور جوابدہ رہنے کی ضرورت ہے،
ان کی جانب سے کئے گئے فوری اقدامات ہی اس طرح کی ڈیپ فیک اور غلط معلومات کے پھیلاؤ کی روک تھام میں مؤثر کردار ادا کرسکتے۔
